Тошкентда Осиё чемпионлар лигаси старт олди, жамоаларимизнинг илк натижалари

Тошкентда илк бор ташкил этилаётган ушбу нуфузли турнирда Ўзбекистон, Эрон, Қозоғистон ва Ҳиндистон жамоалари иштирок этяпти. Осиё чемпионлар лигаси ўз тарихида иккинчи бор ўтказилмоқда. Унинг дастлабкиси Қозоғистоннинг Қизил-Ўрда шаҳрида бўлиб ўтганди.

Чемпионлар лигасида юртимиз спорт шарафини “АGMK” ҳамда “Uzbechka” жамоалари ҳимоя қиляпти. Биринчи ўйин Қозоғистоннинг “ILE” ҳамда Ўзбекистоннинг “AGMK” жамоалари ўртасида ўтказилиб, 36:36 ҳисобидаги жанговор дуранг билан якунланди.

Иккинчи жамоамиз “Uzbechka” эса Ҳиндистоннинг “Indiya” клубидан 37:31 ҳисобида устун келди. Қозоғистоннинг “Almaty” ҳам Эроннинг “Larestan” жамоалари баҳсида ён қўшниларимиз 23:19 ҳисобида зафар қучишди.

Бугунги ўйинлар анонси:

14:00. “ILE” (Қозоғистон) – “Almaty” (Қозоғистон)

16:00. “Larestan” (Эрон) – “Uzbechka” (Ўзбекистон)

18:00. “АGMK” (Ўзбекистон) – “Indiya” (Ҳиндистон)