Тошкентда ўтказилаётган рейтинг турниридан ФОТОРЕПОРТАЖ

Олтинчи тур якунларига кўра, Абдулазиз Қурбонов 6 имкониятдан 5,5 очко олган ҳолда “А” гуруҳида етакчилик қилмоқда. Комилжон Азизов, Акбарали Абдуҳакимов, Александр Адишев, Оқжол Раҳматуллаев, Беҳруз Умаров, Шерали Равшанов, Алишер Умурзоқов, Жаҳонгир Маринбоевлар эса 5 очкодан жамғара олишди. Қизлар орасида Озода Шаҳзодова 4 очко билан гуруҳда етакчи бўлиб турибди.

“Б” гуруҳида Алан Исаев, Эъзозбек Маҳмудов, Билолиддин Обидовлар 5,5 очкодан ўз ҳисобларига ёзиб қўйган. Қизлар ўртасида эса 5 очко билан Нилуфар Маҳмудова пешқадамлик қилмоқда. Гуруҳда пешқадамлик учун дона сураётган Шавкат Абдуҳолиқов, Шаҳзод Тоштемиров, Бунёд Собиржонов, Фахриддин Қиличев, Расул Салимов, Муназзам Сотволдиев, Сухроббек Юсупов, Диёрбек Ҳусановлар ҳисобида ҳам 5 очкодан бор.

Рейтинг турнирида 6 та ўйиндан биронта ҳам очко ололмаганлар ҳам топилади. “А” гуруҳида Беҳрузбек Баҳромовнинг омади чопмаётган бўлса, Худоёр Дилмуродов, Исломбек Норқораев, Нурмуҳаммад Давлатназаров (“Б”)лар ҳам рақиблари қаршисида “мот” бўлиб турибди.

“Тошкент ёзи” турнирининг ғолиб ва совриндорлари 11 июнь куни маълум бўлади.

Алимурод МАМАДАМИНОВ, ўз мухбиримиз