12 авг 14:51
Янгиликлар

Бокс/ММА

Тревор Брайан супероғир вазнда WBA чемпиони

Мағлубият нималигини билмай келаётган америкалик 28 ёшли Тревор Брайан супероғир вазн тоифасида вакант бўлиб турган WBA чемпионлик камарини қўлга киритди.

Афсонавий промоутер Дон Кинг бу боксчининг промоутери вазифасини бажармоқда. Брайан 39 ёшли Би Жей Флоресга қарши рингга кўтарилди. Жанг тўртинчи раундда рефери томонидан тўхтатилди. Флорес унгача етти бор нокдаун ҳолатига тушиб қолганди.

Эслатиб ўтамиз, WBA йўналишининг тўлақонли чемпиони британиялик Энтони Жошуа бўлиб турибди. Унда WBA Super камари бор. Мануэль Чарр эса WBA Regular чемпионлик камари соҳиби ҳисобланади.