30 июл 11:07
Янгиликлар

Спорт курашлари

U-17 ЖЧ. Юнон-рум курашчиларимиз мусобақани иккита олтин медаль билан бошлашди

Теглар : Юнон-рум кураши U-17 Жаҳон чемпионати

Афинада (Греция) спорт курашлари бўйича U-17 ёш тоифасидаги дунё биринчилиги баҳслари бошланди.

Мусобақанинг дастлабки куни доирасида юнон-рум кураши бўйича беллашувлар ташкил этилди.

Аҳамиятлиси, унда Ўзбекистон терма жамоасининг икки нафар аъзоси шоҳсупанинг энг юқори поғонасига кўтарилди.

48 кг вазнли Бунёд Ҳасанов ҳал қилувчи жангда қозоғистонлик Нурдаулет Кумарулини 10:1 ҳисобида таслим этган бўлса, Абдулазиз Ҳолмирзаев Грузия вакили Лука Мартиашвилидан устун келди — 14:7.

Мусобақа давом этмоқда.