19 мар 18:58
Янгиликлар

Бокс/ММА

Уайлдер DAZNнинг 100 миллион долларлик шартномасини рад этди

Супероғир вазн тоифасида WBC чемпиони Деонтей Уайлдер DAZN стриминг сервиси билан шартнома имзолашдан бош тортди.

ESPN телеканали берган хабарга кўра, америкалик боксчи DAZN таклиф қилган 100 миллион долларлик шартномани рад этган. Ҳозирда Уайлдер Top Rank промоутерлик компанияси ҳамда ESPN телеканали билан музокараларни давом эттирмоқда.

DAZN Деонтейга 3та жанг учун 100 миллион доллар таклиф қилганди. Ушбу сумманинг 80 миллион доллари Жошуага қарши ўтказиладиган иккита жанг учун аталганди. Қолган 20 миллионини у Доминик Бризил билан ўтказадиган жанги учун оларди.

Маълумотда келтирилишича, Top Rank компанияси Уайлдерга Тайсон Фьюри ҳамда орада ўтказадиган яна бир ихтиёрий жанг учун 32,5 миллион доллардан таклиф қилмоқда.