18 май 11:58
Янгиликлар

Бокс/ММА

Уайлдер Жошуа билан жанг учун 100 млн доллар сўради

Профессионал бокснинг супероғир вазн тоифасида WBC чемпиони Деонтей Уайлдер қолган учта йўналиш чемпиони Энтони Жошуага ўз шартини эълон қилди.

Америкалик боксчи британиялик жаҳон чемпиони билан жангга 100 миллион долларлик гонорар кафолат қилинган тақдирдагина рози бўлади. Бу ҳақда Британиянинг The Sun нашри хабар берди.

“Уайлдер 80 млн фунт стерлинг (100 млн доллар атрофида) эвазига Энтони Жошуа билан жангга розилик беради”, - деб хабар бермоқда манба.

Маълумот учун, Жошуанинг промоутерлари Уайлдер билан музокараларни 10 млн долларлик таклиф билан бошлашган эди. Кейинчалик бу сумма 20 ва 40 млн долларга кўтарилди.