05 авг 10:10
Янгиликлар

Бокс/ММА

Уайлдер Жошуага бирлаштирувчи чемпионлик жанги таклиф қилди

Профессионал бокснинг супероғир вазн тоифасида WBC чемпиони Деонтей Уайлдер IBF, WBA ва IBO йўналишлари чемпиони британиялик Энтони Жошуага бирлаштирувчи чемпионлик жанги ўтказиш таклифи билан чиқди.

Уайлдер реванш жангини 11 ноябрь куни ўтказиш таклифини берди. Айнан шу куни Жошуа украиналик Владимир Кличкога қарши реванш жангини ўтказиши керак эди. Лекин Кличко бироз кутилмаган фаолиятини якунлашини эълон қилди.

Деонтей Жошуа ва унинг жамоасига айнан мана шу санада жанг ўтказишни таклиф қилди. Ҳозирча британиялик чемпион ва унинг жамоаси бу таклифга жавоб бермади. Энтони Жошуа яқин кунларда IBF камарини болгариялик Кубрат Пулевдан мажбурий тарзда ҳимоя қилиши шарт.