21 мар 18:53
Янгиликлар
Бокс/ММА
Уайлдер нима учун 100 млн долларга рози бўлмаганини айтди
Супероғир вазн тоифасида WBC чемпиони Деонтей Уайлдер нима учун DAZN билан шартнома имзоламаганини тушунтириб берди.
DAZN стриминг платформаси америкалик жаҳон чемпионига 100 миллион долларлик шартнома таклиф қилганди. Боксчининг сўзларига қараганда, DAZNга рад жавоби берилишига Showtime канали билан кўп йиллик ҳамкорлик сабаб бўлган.
"Мен бир неча йилдан бери Showtime билан ҳамкорлик қилиб келяпман. Мен бу жамоани ўз оилам деб биламан. Биз биргаликда узоқ йўлни босиб ўтдик. Улар менинг қобилиятимни бутун дунёга кўрсатишди. Танилишимга сабаб бўлишди", - деди Уайлдер Fightnews сайтига берган интервьюсида.
Эслатиб ўтамиз, Деонтей Уайлдер ўзининг навбатдаги чемпионлик ҳимоя жангини 18 май куни Доминик Бризилга қарши ўтказади.
Ҳавола :
Манба : isport.ua
Фикрлар