30 сен 09:32
Янгиликлар

Бокс/ММА

UFC чемпиони Кормьенинг рақибини мухлислар аниқлаб беришди

Аралаш қоидалар бўйича UFC чемпиони Даниэль Кормье навбатдаги жангини кимга қарши ўтказишини маълум қилди.

Кормье ўзининг сўнгги жангида нокаут эвазига Жон Жонсга ютқазиб қўйганди. Лекин Жонснинг қонидан тақиқланган модда топилгани боис, кейинчалик чемпионлик камари яна Даниэлга қайтариб берилди.

Эътиборлиси, Кормьенинг навбатдаги жангидаги рақибини мухлислар аниқлаб беришди. Мухлислар швейцариялик Волкан Оздемирни Кормьега рақиб сифатида танлашди. Волкан ҳам ижтимоий тармоқ орқали бу танловга ижобий жавоб берди.