06 июл 19:05
Янгиликлар
Теннис
Уимблдон. Жўрабек чорак финалда, Ҳумоюн тўхтатилди
Истеъдодли теннисчиларимиз Жўрабек Каримов ва Ҳумоюн Султонов Лондонда давом этаётган “Катта Дубулға” туркумига кирувчи ўсмирлар ўртасидаги “Уимблдон” турнирининг яккалик баҳсларида учинчи давра учрашувини ўтказишди.
Қувонарлиси, турнирда ўн биринчи рақам остида таснифланган Жўрабек бу босқичда мусобақанинг олтинчи ракеткаси, япониялик Юсуки Ватанукини 7:6, 6:4 ҳисобида мағлуб этди. Унинг ярим финал остонасидаги рақиби турнирнинг биринчи ракеткаси грециялик 17 ёшли Стефанос Циципас бўлади.
Эслатиб ўтамиз, Жўрабек Каримов аввалига германиялик Луис Вессельсни, кейин эса британиялик Жей Кларкни мусобақадан чиқариб юборганди.
Афсуски, иккинчи теннисчимиз Ҳумоюн Султонов учинчи босқичда турнирнинг иккинчи ракеткаси америкалик Улисес Бланчга 50 дақиқа давом этган учрашувда 4:6, 3:6 ҳисобида имкониятни бой бериб қўйди.
Ҳавола :
Манба : olamsport.com
Ўхшаш янгиликлар
11:47
Халоков "Эйндховен кубоги"нинг энг яхши боксчиси деб топилди. Ҳабибуллаевда ҳам соврин + ФОТО 0
Фикрлар