Уорддан икки бор мағлуб бўлган Ковалёв мураббийини алмаштирди

“Уорднинг мураббийи мен билан ишлашга тайёр эканлигини айтди. Лекин бу қанчалик ҳақиқат, буни билмайман. Агар бу тўғри маълумот бўлса, мен бунга тайёрман. Аммо, Уорд ўз вазнини кўтарармикан. Агар бошқа вазнга ўтмаса, бир мураббий қўл остида бирга шуғулланишдан маъно йўқ.

Ҳар қандай ҳолатда ҳам шуниси аниқки, мен мураббийим Жон Дэвид Жексон билан ҳамкорликни тўхтатдим. Уорд каби боксчиларни яққол устунлик билан мағлуб этиш учун тажрибали мураббий керак”, - деди Ковалёв.