04 дек 13:04
Янгиликлар

Бошқалар

Урганчда автокўпкурашчилар баҳс юритишди

Теглар : Авто

Бугунги кунда диёримизда бош қомусимиз - Ўзбекистон Республикаси Конституциясининг йигирма беш йиллиги муносиб нишонланяпти. Ушбу қутлуғ сана муносабати билан жойларда турли тадбирлар бўлиб ўтмоқда.

Жумладан, Урганч шаҳрида Ўзбекистон мудофаасига кўмаклашувчи “Ватанпарвар” ташкилоти Хоразм вилоят кенгаши ҳамда вилоят техник ва амалий спорт турлари маркази ташаббуси билан спортнинг автокўпкураш тури буйича вилоят биринчилиги уюштирилди. Унда воҳанинг 16 та жамоаси иштирок қилди.
Ўз навбатида спортчилар автокўпкураш дастуридан ўрин олган югуриш, пневматик милтиқдан ўқ отиш ва енгил автомобилни фигурали ҳайдаш борасида маҳоратларини намойиш этишди.

Мусобақанинг якуний жадвали қуйидагича кўриниш олди:

18-25 ёшлилар гуруҳи.

1-ўрин. Ҳамид Қодиров(Хоразм вилоят техник ва амалий спорт турлари маркази.
2-ўрин. Фаррух Юсупов(Шовот тумани ўқув спорт техника клуби).
3-ўрин. Дониёр Бегиев(Ҳазорасп автомобиль мактаби).

26-35 ёшлилар гуруҳи.

1-ўрин.Руслан Жумабоев(Хоразм вилоят техник ва амалий спорт турлари маркази.
2-ўрин. Мурод Бегиев(Ҳазорасп автомобиль мактаби).
3-ўрин. Рустам Собиров (Шовот тумани ўқув спорт техника клуби).

Умумжамоа ҳисобида Хоразм вилоят техник ва амалий спорт турлари маркази жамоаси биринчи ўринни эгаллади. Иккинчи ўрин Шовот тумани ўқув спорт техника клуби жамоасига, учинчи ўрин Ҳазорасп автомобиль мактаби жамоасига насиб этди.

Икром ХУДОЙБЕРГАНОВ