04 ноя 17:20
Янгиликлар

Формула-1

Ўзбекистон FIA Motorsport Games - Австоспорт Олимпиадасида иштирок этди

Теглар : Авто спорт FIA Motorsport Games

Испаниянинг Валенсия шаҳрида FIA Motorsport Games 2024 Автоспорт Олимпиадаси бўлиб ўтди.

Қизиқарли баҳсларга бой ўтган мусобақада Ўзбекистон автоспорт миллий терма жамоаси ҳам иштирок этди. "Drift" йўналишида Дилшод Юсупов 25-ўринни эгаллаган бўлса, финалда терма жамоамиз 32 мамлакат ичида 26-ўринни банд этди.

"Karting Endurance" йўналишида Ўзбекистон терма жамоаси Португалия, Арманистон, Мальта, Аргентина, Хитой Тайпейи, Исроил, Чехияни ортда қолдириб, 24 давлат орасида 17-ўриндан жой олди.

"Karting Mini" йўналиши "B" финалида Албания, Чили, Словакия ва Гонконг жамоаларини мағлуб этган спортчимиз Ким Владислав 16 давлат орасида 12-ўринни эгаллади.

"Karting Slalom" йўналишида Ўзбекистон Хитой Тайпейи, Швеция, Эстония, Хорватия, Грузия, Словакия, Албания, Гонконг, Мексика ва Украинадан келган рақибларини ортда қолдириб, 21 давлат орасида 11-ўрин бўлди.