04 сен 10:47
Янгиликлар

Теннис

US Open. Ига Свёнтек чемпионлик унвонини ҳимоя қила олмади

Сайёрамизнинг биринчи ракеткаси Ига Свёнтек "Катта Дубулға" туркумига кирувчи АҚШ Очиқ чемпионатидаги иштирокини муддатидан аввал якунлади.

Польшалик теннис маликаси тўртинчи даврада WTA рейтингида 21-поғонада бораётган латвиялик Елена Остапенкога 6/3, 3/6, 1/6 ҳисобларида имкониятни бой бериб қўйди. Ига US Open турнирининг амалдаги чемпиони эди.

Теннисчиларнинг ўзаро учрашувларидаги ҳисоб янада йириклашди - 4:0. Остапенко Свёнтек учун ноқулай рақиблигича қолмоқда. Бир соату 49 дақиқа давом этган баҳсда Ига 3. Елена 7 та эйс зарбани амалга оширган. Қўшхатолар иккала теннисчида ҳам 3 тадан бўлди. Брейклар 7 га 4, латвиялик теннисчи фойдасига. Энди Остапенко US Open 1/4 финалида америкалик Кори Гоффга қарши кортга чиқади.