29 янв 09:36
Янгиликлар

Бокс/ММА

Усик Кличкодан сўнг чемпионлик камарларини бирлаштирган иккинчи украиналикка айланди

Украиналик боксчи Александр Усик латвиялик Майрис Бриедисни мағлуб этиб, оғир вазнда WBO ва WBC чемпионлик камарларини бирлаштирди.

Бу натижасига эвазига у Владимир Кличкодан сўнг чемпионлик камарларини ўз қўлида бирлаштирган иккинчи украиналик боксчига айланди. Кличко 2006 йилнинг апрель ойида Крис Бердни енгиб, рақибининг IBF ҳамда вакант бўлиб турган IBO камарларини қўлга киритганди.

2008 йилнинг февралида эса у россиялик Султан Ибрагимовни таслим этиб, WBO чемпионига айланди. 2011 йилда Кличко Дэвид Хэйдан WBA камарини ҳам тортиб олган.

Шу тариқа, Владимир Кличко 2015 йилнинг ноябрь ойигача, яъни Тайсон Фьюрига имкониятни бой бергунига қадар супероғир вазн тоифасида WBO, WBA, IBF ҳамда IBO чемпионлик камарларини ўзида сақлаб турган.