28 янв 08:06
Янгиликлар
Бокс/ММА
Усик vs Бриедис. Суперсериянинг илк финалчиси маълум
Латвия пойтахти Рига шаҳрида Бутунжаҳон бокс Суперсерияси доирасидаги дастлабки ярим финал жанги ўтказилди.
Унда биринчи оғир вазн тоифасида WBO чемпиони украиналик Александр Усик шу вазнда WBC йўналиши чемпиони латвиялик Майрис Бриедисга қарши рингга кўтарилди.
Ўн икки раундга мўлжалланган жанг ғолиби очколар ҳисобига кўра аниқланди. Ҳакамлар 115-113, 115-113, 114-114 ҳисобидаги ғалабани украиналик боксчига тақдим этишди. Энди Усик икки йўналиш бўйича жаҳон чемпиони!
Бутунжаҳон Суперсериясининг иккинчи ярим финал жанги 3 февраль куни Россиянинг Сочи шаҳрида бўлиб ўтади. Унда россиялик Мурат Гассиев кубалик Юньер Дортикосга қарши рингга кўтарилади. Финал жангининг май ойида ўтказилиши режалаштирилмоқда.
Ҳавола :
Фикрлар