14 фев 10:47
Янгиликлар

Бокс/ММА

Усман UFC`дан ҳайдалди

Яна бир таниқли аралаш яккакураш устаси дунёнинг энг кучли Лигаси ростеридан чиқарилди.

Нигериялик оғир вазн тоифаси вакили Муҳаммад Усман ортиқ UFC жангчиси эмас. Январь ойида Усман тестостерон учун ижобий допинг-тест сабаб 30 ойга четлатилган эди. Шунингдек, унда тақиқланган пептид BPC-157 моддаси аниқланганди. Африкалик спортчининг допинг таҳлили ижобий чиққани унинг бразилиялик Вальтер Уокер билан режалаштирилган жанги бекор қилинишига сабаб бўлди.

Умуман олганда, 36 ёшли Муҳаммад Усман UFC лигасида 4 та ғалаба ва 2 та мағлубият қайд этган. У собиқ UFC чемпиони Камару Усманнинг туғишган укаси ҳисобланади.