20 янв 14:45
Янгиликлар
Бокс/ММА
Uzbek Tigers жамоаси рақибининг таркиби маълум қилинди
Бутунжаҳон бокс серияси (WSB) мусобақасида иштирок этувчи “Ўзбек йўлбарслари” (Uzbek Tigers) жамоасининг рақибларидан бири ҳисобланган Russian Boxing Team жамоасининг таркиби маълум қилинди.
Россия жамоаси гуруҳнинг илк учрашувини ўз уйида Қозоғистоннинг Astana Arlans жамоаси боксчиларига қарши ўтказади. Бу баҳс 3 февраль куни бўлиб ўтади. Ҳозир жой манзилига ойдинлик киритилмаган.
Россия жамоаси таркибидан Батор Сагалуев (49 кг), Максим Чернишев (56 кг), Ратмир Абдурахманов (64 кг), Максим Коптяков (75) ва Сергей Калчугин (91) жой олган.
WSBтурнирида жами 12та жамоа иштирок этади. Россия ва Қозоғистон жамоалари жойлашган гуруҳда, шунигдек, Хитойнинг China Dragons ҳамда мамлакатимизнинг Uzbek Tigers жамоалари ҳам бор.
Иккинчи бор ушбу мусобақада қатнашадиган боксчиларимиз гуруҳнинг илк учрашувини сафарда Хитой жамоасига қарши ўтказишади.
Ҳавола :
Манба : olamsport.com
Фикрлар