Велоспортчиларимиз Омск шаҳридан медаллар билан қайтишяпти

Шу мақсадда велоспортнинг трек йўналиши бўйича терма жамоамиз аъзолари Россиянинг Омск шаҳрида ўқув-машғулот йиғинини ташкил этишди. 30 августдан бошланган мазкур хориж йиғини бугун якунланади.

Шунингдек, терма жамоамиз аъзолари “Омскнинг катта соврини” номли халқаро турнирда ҳам иштирок этишди. Мазкур мусобақада юртимиз шарафини Сергей Медведев, Руслан Фёдоров, Екатерина Кнебелова, Ольга Жантуганова, Зокирхўжа Эхсонов, Шомансур Абдуманнопов, Андрей Измайлов, Семен Севастьянов, Рената Байметова, Алла Безуглова, Нафосат Козиева ҳамда Диана Аделшинова ҳимоя қилишди.

Аёллар ўртасидаги велоспорт-трек спринт, кейрин йўналиши бўйича хамюртимиз Ольга Жантуганова бронза медали билан тақдирланган бўлса, Екатерина Кнебелова кумуш медални қўлга киритди. Жамоавий пойгада эса Рената Байметова ҳам бронза медалига сазовор бўлди.

Эркаклар ўртасидаги жамоавий пойгада Руслан Фёдоров кумуш медал соҳиби бўлди. Аёллар ўртасида ўтказилган жамоавий пойгада эса Нафосат Козиева кучли ўнталикка киритилди. Гит йўналиши бўйича ўтказилган аёллар ўртасидаги пойгада Ольга Жантуганова кумуш медалга эга чиқди.