29 дек 09:13
Янгиликлар
Шахмат
Вэньцзюнь - рапид йўналишида жаҳон чемпиони, Тоҳиржоновада ҳам ижобий натижа!
Хабар берганимиздек, шу кунларда Саудия Арабистони пойтахти Ар-Риёд шаҳрида шахматнинг рапид ва блиц йўналишлари бўйича жаҳон чемпионати бўлиб ўтмоқда.
King Salman World Rapid and Blitz Chess Championships мусобақасида 55 давлатдан 200 нафардан зиёд дунёнинг энг кучли гроссмейстерлари иштирок этяпти.
Кеча жаҳон чемпионатида рапид, яъни тезкор шахмат бўйича баҳслар якунланди. Хотин-қиз шахматчилар ўртасидаги баҳсларда хитойлик Цзюй Вэньцзюнь 11,5 очко тўплаб, жаҳон чемпионига айланди. Ўн бир очкога эга яна бир Чин юрти вакиласи Лэй Тинцзе кумуш, германиялик Элизабет Петц эса 10,5 очко билан бронза медалига сазовор бўлди.
Жаҳон чемпионатида иштирок этган ягона ҳамюртимиз халқаро гроссмейстер Гулруҳбегим Тоҳиржонова 8,5 очко жамғаришга муваффақ бўлди. Мусобақада 88-рақам остида таснифланган ҳамюртимиз учун бу ижобий натижа. Гулруҳбегим рейтингда ўз ҳисобига 111 пункт қўшиб қўйди.
Ҳавола :
Манба : olamsport.com
Фикрлар