05 сен 14:45
Янгиликлар
Бокс/ММА
Владимир Кличко: “Поветкиннинг чемпион бўлишига ишоняпман”
Россиялик боксчи Александр Поветкин ўз мураббийини алмаштирганидан сўнг фаолиятида ижобий томонга ўзгариш кузатилди.
Супероғир вазн тоифасида собиқ мутлоқ жаҳон чемпиони бўлган украиналик Владимир Кличко бу вазнда айнан Поветкиннинг мутлоқ чемпион бўлиш имкониятларини юқори баҳолади.
“Ўйлашимча, Поветкиннинг тажрибаси ва иқтидори супероғир вазн тоифасида мутлоқ жаҳон чемпиони бўлиш учун етарли. Боз устига, у мураббийини алмаштирганидан сўнг жисмоний ҳолати ҳамда тезлигини сезиларли даражада оширди”, - деди Кличко.
Эслатиб ўтамиз, Поветкин ва Кличко ўртасидаги жанг 2013 йилнинг кузида Москва шаҳрида ўтказилган бўлиб, россиялик боксчининг мағлубияти билан якунланган эди.
Ҳавола :
Манба : allboxing.ru
Фикрлар