06 янв 09:06
Янгиликлар
Шахмат
Воҳидов Англияда совриндор шахматчи билан бир хил очко тўплади
Англиянинг Гастингс шаҳрида ўтказилган шахмат бўйича анъанавий Мастерс турнири ўз якунига етди.
Hastings International Chess Congress фестивалининг энг асосий турнирида 24 давлатдан 84 нафар шахматчи иштирок этди. Улар орасида ўз маҳоратини намойиш этган ҳамюртимиз Жаҳонгир Воҳидов 9 имкониятдан 6,5 очко жамғариб, якунда 3-4 ўринларни бўлишиб олди.
Учинчи ўринни эгаллаган ҳиндистонлик Стейни ҳам Жаҳонгир сингари 6,5 очко жамғарди. Фақат қўшимча кўрсаткичларга кўра ҳинд шахматчисига бронза медали насиб этди. Самарқандлик халқаро гроссмейстер сўнгги турда айнан Стейни билан дуранг қайд этди.
Мусобақада 7тадан очко тўплаган мусобақанинг биринчи рақамли шахматчиси ҳиндистонлик Дип Сенгупта хитойлик Йипинг Лоу биринчи ва иккинчи ўринларни банд этишди. Қўшимча кўрсаткичларга кўра Сенгупта турнир чемпиони бўлди.
Ҳавола :
Манба : olamsport.com
Фикрлар