Воҳидовнинг Англия турниридаги илк мағлубияти

Hastings International Chess Congress фестивалининг энг асосий турнирида 24 давлатдан 84 нафар шахматчи иштирок этяпти. Улар орасида ҳамюртимиз Жаҳонгир Воҳидов ҳам бор. Кеча ўтказилган 8-турда гроссмейстеримиз илк мағлубиятини қарши олди.  

Самарқандлик халқаро гроссмейстер ушбу турда қора доналарда мусобақанинг биринчи рақамли шахматчиси ҳиндистонлик Дип Сенгуптага қарши ўйнаб, илк мағлубиятини қабул қилиб олди. Ҳамюртимиз турнирда тўртинчи рақам остида таснифланган.

Бугун Жаҳонгир Воҳидов сўнгги 9-турда оқ доналарда ҳиндистонлик Стейнига қарши дона суради. Бугунги учрашув олдидан ҳамюртимиз 6 очко билан қўшимча кўрсаткичларга кўра 4-ўринни банд этган. Иккинчи поғонадаги Сенгупта ҳисобида ҳам 6 очко бор. Олти ярим очкога эга хитойлик Йипинг Лоу мусобақа пешқадами бўлиб турибди.