WBC Адамесга титулсиз жанг ўтказишга рухсат берди

Бироқ доминиканлик боксчи мағлуб бўлса, унинг WBC камари вакант деб эълон қилинади.

Бу ҳақда WBC расмий сайтида маълум қилинди.

Адамес ташкилотга чемпионлик унвони ҳимоясисиз жанг ўтказишга рухсат сўраб мурожаат қилган. WBC сўровни қаноатлантирди, бироқ шарт қўйди: боксчи кимга қарши рингга чиқишидан қатъи назар, мағлуб бўлса, чемпионлик камаридан айрилади.

17 ноябрь кунги жангда Адамесга ким рақиб бўлиши ҳозирча эълон қилинмаган.

Агар доминиканлик боксчи ғалаба қозонса, кейинги жангида WBC камарини қозоғистонлик Мейрим Нурсултановга қарши мажбурий равишда ҳимоя қилиши керак бўлади. Шундан сўнг ғолиб WBC вақтинчалик чемпиони Хесус Рамос билан учрашади.