WBC “Бриллиант камар” тақдимотини ўтказди

Ушбу “Бриллиант камар” Бутунжаҳон бокс суперсерияси (WBSS) ғолибига тақдим этилади. Чемпионлик камарларига суперўрта ҳамда оғир вазн тоифасидаги чемпионлар эга чиқишади.

Иккита дивизионда ўтказилаётган турнирда 8 нафар боксчи иштирок этяпти. Чорак финал жанглари сентябрь ойида старт олади. Ғолиблар 2018 йилнинг май ойида аниқланади. Чемпионлик камарининг ўртасига афсонавий Муҳаммад Алининг исм-шарифи ёзилган. 

Бутунжаҳон бокс суперсериясида биринчи оғир вазнда WBO чемпиони украиналик Александр Усик (12-0, 10 КО), жаҳон чемпионлари – Мурат Гассиев (IBF), Майрис Бриедис (WBC) ва Юниер Дортикос (WBA Regular), шунингдек, Кшиштоф Влодарчик, Марко Хук ҳамда Дмитрий Кудряшов “Бриллиант камар” учун рингга чиқишади.