20 июл 09:08
Янгиликлар
Бокс/ММА
WBC чемпиони енгилмас Уайлдернинг рақиби маълум, у ҳам ҳали ютқазмаган
Профессионал бокснинг супероғир вазн тоифасида WBC йўналиши чемпиони америкалик Деонтей Уайлдернинг навбатдаги рақиби маълум бўлди.
Мағлубият нималигини билмай келаётган Уайлдер (38-0, 37 КО) ҳимоя жангини кубалик Луис Ортис (27-0, 23 КО)га қарши ўтказади. Ортис ҳам ҳали фаолиятида мағлубиятга учрамаган.
Катта эҳтимол билан ушбу чемпионлик жанги 4 ноябрь куни АҚШнинг Бруклин шаҳарчасидаги Barclays Center аренасида бўлиб ўтади. Иккинчи вариант сифатида 14 ноябрь ҳам кўрсатилган.
Уайлдер сўнгги бор шу йилнинг февраль ойида жанг ўтказганди. Ўшанда у Жеральд Вашингтонни нокаутга учратган эди. Луис Ортис эса ўтган йилнинг декабрида Дэвид Алленни мағлуб этганди.
Ҳавола :
Манба : isport.ua
Фикрлар