31 май 09:29
Янгиликлар

Бокс/ММА

WBC Головкинга: Агар Альварес бўлмаса, унда мажбурий ҳимоя

Бутунжаҳон бокс уюшмаси (WBC) президенти Маурицио Сулейман ўрта вазнда учта йўналиш чемпиони Геннадий Головкинга тезроқ кейинги рақиби борасида бир қарорга келишга чақирди.

Сулейманнинг айтишича, агар қозоғистонлик боксчи мексикалик Сауль “Канело” Альварес билан жанг қилишни истамаса, у ҳолда WBC йўналишида вақтинчалик чемпионлик камари соҳиби бўлиб турган Жермалл Чарлога қарши рингга чиқишга розилик бериши шарт.

Таъкидлаш керак, бир муддат аввал IBF ташкилоти Головкинга кейинги жангини мажбурий даъвогар украиналик Сергей Деревянченкога қарши ўтказиш мажбуриятини юклаганди.

“Биз Головкинни тўлиқ қўллаб-қувватлаймиз. Лекин у Канело билан жангга рози бўлмаса, у ҳолда Чарлога қарши рингга чиқиши керак”, — деди Сулейман ESPN Deportes каналига берган интервьюсида.