07 окт 08:56
Янгиликлар

Бокс/ММА

WBC супероғир вазнни икки тоифага ажратмоқчи

Профессионал бокс ташкилотлари орасида энг нуфузлиси - Бутунжаҳон бокс уюшмаси (WBC) янги 18-вазн тоифасини ташкил этишни режалаштирмоқда.

Аниқроғи, ҳозирги супероғир вазн тоифаси иккига бўлинади. Яъни, оғир ва супероғир вазн тоифаларига ажратилади. Агар янгилик амалгат ошса, бу WBC ташкилотининг 18-вазн тоифаси сифатида қайд этилади.

WBC президенти Маурисио Сулейманнинг айтишича, бу билан супероғир вазн тоифасида жанг ўтказувчи боксчиларнинг вазнлари орасидаги катта фарқ тафовутининг юзага келиш олди олинади.

“Шундай ҳолатлар ҳам кузатилганки, 95,2 кг вазн тоифасидаги боксчи 113,3 кг ва ундан юқори оғирликка эга рақиби билан жанг ўтказган. Шунинг ўзи ҳам катта фарқ. Янги вазн тоифаси бу масаланинг ечими бўлади”, - деди WBC ташкилоти раҳбари Сулейман.