03 дек 10:09
Янгиликлар

Бокс/ММА

WBO чемпиони Мигель Котто фаолиятидаги сўнгги жангини ўтказди

Бизнинг вақт билан бугун тонгда АҚШнинг Нью-Йорк шаҳрида профессионал бокс кечаси бўлиб ўтди.

Оқшомнинг марказий жангида биринчи ўрта вазн тоифасида WBO йўналиши чемпиони Мигель Анхель Котто америкалик Садам Алига қарши рингга кўтарилди. Ушбу чемпионлик жанги 37 ёшли пуэрторикалик боксчи учун фаолиятидаги сўнгги жанг бўлди.

Ўн икки раундга мўлжалланган жанг ғолиби очколар ҳисобига кўра аниқланди. Унда ҳакамлар бир овоздан 115-113, 116-112, 115-113 ҳисобида Алининг ғалабасини таъминлашди. Котто чемпионлик камарини топшириш баробарида фаолиятини мағлубият билан якунлайдиган бўлди.