17 дек 09:44
Янгиликлар

Бокс/ММА

WBO янги чемпионлик камарини таъсис этди, унинг илк соҳиби ҳам бор!

Бутунжаҳон бокс ташкилоти (WBO) WBO Global деб номланган янги чемпионлик камарини жорий қилди.

Ушбу янги чемпионлик камарининг илк соҳиби ҳам аниқланди. Ярим ўрта вазн тоифасида ўз жангларини ўтказиб келаётган германиялик Себастьян Формелла WBO Global чемпионига айланди. Формелла 20та жангнинг барчасида ғалаба қозонган. Ўнта жангда рақибларини нокаутга учратган.

Формелла Гамбургда ўтган бокс оқшомида намибиялик Бетуэл Ушонни мағлуб этиб, чемпионлик камарига эга чиқди. Ҳозирча WBO Global чемпионлик камарининг нуфузи ҳақида хабар берилмади.