03 июл 11:09
Янгиликлар

Бокс/ММА

WBSS: Трояновский WBA чемпионига қарши рингга чиқади

Бутунжаҳон бокс суперсерияси ташкилотчилари мусобақанинг иккинчи мавсумидан ўрин олган яна бир чорак финал жанги ҳақида маълумот беришди.

Биринчи ярим ўрта вазн тоифаси доирасида ўтказилувчи ушбу жангда россиялик собиқ жаҳон чемпиони Эдуард Трояновский WBA чемпионлик камари соҳиби беларуслик Кирилл Релихга қарши рингга кўтарилади.

“Бу турнирда иштирок этаётганимдан хурсандман. Муҳаммад Али Кубогини қўлга киритиш ҳар бир боксчининг орзуси ҳисобланади. Шахсан мен учун бу кубок жаҳон чемпионлик камаридан ҳам юқори ва азиз! Бош мақсадим - турнирда ғалаба қозониб, кубокка эга чиқиш”, - деди Трояновский.

Маълумотда келтирилишича, чорак финал жанглари куз ойларида ўтказилади. Яна бир чорак финал жангида Иван Баранчик ва Энтони Йигит ўзаро тўқнаш келишади. Мазкур жанг ғолиби вакант бўлиб қолган IBF чемпионлик камарини қўлга киритади.