01 авг 08:55
Янгиликлар
Теннис
Халеп Монреалда бош мукофотни боши узра баланд кўтарди
Канаданинг Монреаль шаҳрида теннис бўйича аёллар ўртасидаги ҳафтага белгиланган энг нуфузли турнир якунланди.
Мусобақада руминиялик Симона Халеп бош мукофотни боши узра баланд кўтариш бахтига муяссар бўлди. Турнирнинг бешинчи ракеткаси бўлган Халеп ҳал қилувчи финал учрашувида америкалик Мэдисон Кизни мағлубиятга учратди.
Бир соату 16 дақиқа давом этган баҳсда Симона рақибасини 7:6(2), 6:3 ҳисобида таслим этди. Бу Халепнинг жорий мавсумдаги WTA турниридаги учинчи ютиб олган титули бўлди. Монреалдаги муваффақият руминиялик теннисчига 497,900 доллар мукофот пули ҳамда 900 рейтинг очкосини тақдим этди.
Симона Халеп (Руминия, 5) – Мэдисон Киз (АҚШ, 10) – 7:6 (2), 6:3
Ҳавола :
Фикрлар