Хамзат Чимаев UFC ўрта дивизионида қолади

БАА шарафини ҳимоя қилаётган чечен Шон Стрикленд билан реванш учун ўрта вазн тоифасидан кетмасликка қарор қилди. У зудлик билан реванш жангида чемпионлик камарини қайтариб олмоқчи эканини яширмаяпти. Бу ҳақда "Borz" ижтимоий тармоқда америкаликка мурожаат йўллади. 

"Тайёр бўлганингда хабар бер, Шон Стрикленд!", деб ёзди собиқ чемпион.

Эслатиб ўтамиз, ўтган якшанба куни Чимаев Ньюаркдаги UFC 328 турнирининг асосий жангида Шон Стриклендга очколар ҳисобига кўра ҳам ютқазиб, чемпионлик камаридан маҳрум бўлган эди. Ташкилот раҳбари Дана Уайт эса жангдан кейинги матбуот анжуманида собиқ чемпион ўз фаолиятини ярим оғир вазнда давом эттиришини айтганди.

Шу билан бирга, Чимаев лагеридан муваффақиятли чиқишга тўсқинлик қилган баъзи соғлиқ муаммолари ҳақида маълумот келиб тушди. UFC шарҳловчиси Жо Роган "Борз"нинг ёмон жисмоний ҳолати лиганинг унга ярим оғир вазн тоифасида чемпионлик жангини ўтказиш бўйича амалга ошмаган режаси билан боғлиқ эканлигини тахмин қилди.