01 июл 14:46
Янгиликлар

Бокс/ММА

Хитойлик боксчи Ломаченконинг рекордини янгилаш остонасида

Хитойлик 23 ёшли боксчи Люй Бинь профессионал боксда энг кам жанг ўтказган ҳолда жаҳон чемпиони бўлиш рекордини янгилашга уриниб кўради.

15 июль куни Малайзияда профессионал бокс оқшоми ўтказилиб, марказий жанг 8 вазнда собиқ жаҳон чемпиони Мэнни Пакьяо ярим ўрта вазн тоифасида WBA чемпиони Лукас Матиссега қарши рингга кўтарилади.

Ушбу бокс кечаси доирасидаги жангларнинг бирида биз айтаётган рекорд янгиланиши мумкин. Люй Бинь (1-0, 1КО) биринчи енгил вазнда WBA чемпиони Карлос Канизалес (20-0-1, 16КО)нинг камарини олиб қўйиш учун рингга чиқади.

Агар Бинь ғалаба қозонса, у ҳолда проф рингда иккита жанг ўтказиб, жаҳон чемпиони бўлган илк боксчига айланади. Ҳозирча рекорд бир йўла икки боксчига тегишли бўлиб турибди. 1975 йили таиландлик Саенсак Муангсурин, 2014 йилда эса украиналик Василий Ломаченко ўзларининг учинчи жангларида жаҳон чемпионлик камарини қўлга киритишганди.