13 авг 12:16
Янгиликлар

Бокс/ММА

Хорхе Линарес ва Дауд Йордан WBA камари учун рингга чиқишади

Енгил вазн тоифасида собиқ WBA чемпиони 32 ёшли Хорхе Линарес вакант бўлиб қолган WBA Regular чемпионлик камари учун рингга кўтарилади.

Айни пайтда рейтингда биринчи ўринни эгаллаб турган Линареснинг рақиби иккинчи поғонадан жой олган индонезиялик 31 ёшли Дауд Йордан бўлади. Чемпионлик жанги ноябрь ойида ўтказилиши режалаштирилган.

Бу ҳақда Индонезиянинг Жакарта шаҳрида бўлиб ўтган матбуот анжуманида хабар берилган. Ушбу вазнда WBA Super чемпионлик камари украиналик Василий Ломаченкога тегишли. Уч ой олдин Ломаченко айнан Линаресни 10-раундда техник нокаутга учратиб, чемпионлик камарини қўлга киритганди.