Yahoo.com бокс йўналишида йилнинг энг яхшиларини эълон қилди

“Йилнинг энг яхши боксчиси” номинациясида америкалик Теренс Кроуфорд энг кўп овоз билан ғолиб бўлди. Теренс суперенгил вазнда мутлоқ жаҳон чемпиони ҳисобланади.

“Йилнинг энг яхши жанги” номинацияси ғолиби сифатида апрель ойида бўлиб ўтган супероғир вазн тоифасининг WBA ва IBF йўналишлари чемпиони Энтони Жошуа ҳамда собиқ жаҳон чемпиони Владимир Кличко ўртасидаги жанг топилди.

“Йил кашфиёти” сифатида Теофимо Лопес эътироф этилди. Деррик Жеймс йил мураббийи бўлди. Эдди Хирн эса йилнинг “Энг яхши промоутери” дея эътироф этилди. Энтони Жошуанинг Кличкога қарши жангнинг 11-раундида йўллаган апперкот зарбаси йилнинг энг яхши зарбаси бўлди.