Яна бир ўзбек боксчиси АҚШ промоутерлик компанияси билан шартнома тузди

Сабаби, ушбу боксчимиз океанортидаги нуфузли промоушен, Ронсон Франк бошчилик қилаётган “Uprising promotion” билан шартнома тузишга эришди. Жамшидбекнинг менежери  Муҳаммадмирзо Нажмиддиновнинг таъкидлашича, шартнома уч йилга мўлжалланган. Ҳар йили  тўрттадан жанг ўтказиши белгиланган. Қувонарлиси, ҳар учинчи жанги профессионал бокс оламидаги энг қудратли икки телеканалнинг бири HBO BOXING ўтказадиган шоусидан ўрин олади. Шуни алоҳида таъкидлаб ўтиш лозимки, ушбу телеканал шоуларида рингга кўтарилиш бутун дунё профессионал боксчиларнинг орзуси ҳисобланади.

Эслатиб ўтамиз, ҳамюртимиз шу кунгача профессионал рингда 18 та жанг ўтказиб, 17 бор ғалаба қозонган. 12 маротаба рақибларини нокаутга учрата олган. Фаолиятидаги ягона мағлубият 2017 йил 16 сентябр куни Украина пойтахти Киев шаҳрида WBC йўналишининг собиқ чемпиони Виктор Постолга қарши кечган жангда қайд этилганди.

Профессионал бокс федерацияси матбуот хизмати