Яна Синдаров - Магнус учрашуви бўлиб ўтди. Бибисарада иккинчи ғалаба!

Унда ўз таркибига юлдуз шахматчиларни жамлаган олтита жамоа ғолиблик йўлида баҳс олиб бормоқда. Ҳамюртимиз Жавоҳир Синдаров мусобақанинг бу йилги мавсумида Fyers American Gambits жамоаси шарафини ҳимоя қилмоқда. Жавоҳирнинг жамоасида қозоғистонлик Бибисара Ассаубаева, россиялик Данил Дубов, ҳиндистонлик Ниҳал Сарин, франциялик Марк-Андриа Маурицци ҳамда испаниялик халқаро мастер Сара Ҳадем ҳам бор. Синдаров жамоасининг биринчи —  Icon тахтасида дона сурмоқда.

Tech Mahindra Global Chess League турнирининг навбатдаги куни Жавоҳир Синдаров сардорлигидаги Fyers American Gambits жамоаси асосий рақиб - Магнус Карлсен бошчилигидаги Alpine Apl Pipers жамоасига қарши баҳс олиб борди. Биринчи доскада айнан Синдаров - Карлсен қарама-қаршилигига гувоҳ бўлдик ва афсуски бу сафар Жавоҳир қора доналарда ўйнаб, номдор рақибига имкониятни бой бериб қўйди. 

Камига россиялик Даниил Дубов ҳам ўз партиясида ҳиндистонлик Видит Гужратҳига ютқазди. Қолган учта партияда дуранг натижа қайд этилди. 

Қозоғистонлик Бибисара Ассаубаева рақибасини мағлубиятга учратган бўлса-да, лекин умумий ҳисобда бу ўйинда Магнус Карлсеннинг Alpine Apl Pipers жамоаси 9:7 ҳисобида зафар қучди. Ҳар икки жамоа кечаги тур олдидан 15 очкодан жамғарган ва қўшимча кўрсаткичларга кўра Синдаров жамоаси пешқадамлигини сақлаб турганди. Кечаги ғалаба эвазига Alpine Apl Pipers 18 очко билан Fyers American Gambits жамоасидан ўтиб кетди. 

Қўшимча кўрсаткичларга кўра қўлга киритди. Ganges Grandmasters жамоаси 18 очко билан турнир жадвалида пешқадамлик қилмоқда. Бир кун аввал Синдаров жамоаси билан бирга россиялик таниқли гроссмейстер Ян Непомняший бошчилигидаги Ganges Grandmasters жамоасини йирик 13:5 ҳисобида таслим этганди. Fyers American Gambits жамоаси кечаги мағлубиятдан кейин 15 очко билан учинчи поғонага тушди. 

Бугун 10-тур учрашувлари ўтказилади. Унда Жавоҳир Синдаров сардорлигидаги Fyers American Gambits жамоаси Cheq Mumba Masters жамоасига қарши баҳс олиб боради. Биринчи доскада Жавоҳир Синдаров франциялик Максим Вашье-Лагравга қарши дона суради. Рақиб жамоа таркибида Шахрияр Мамедьяров, Владимир Федосеев, Кларисса Йип, Ҳарика Дроновалли ва Бардия Данешвар бор.