Япония лигасида дуранглар бекор қилинди

Япония профессионал Жей-Лигаси (J1 League) раҳбарияти маҳаллий футболнинг 100 йиллиги муносабати билан ташкил этилган мусобақада дуранг натижалар бекор қилинганини расман эълон қилди.

Янги қоидаларга кўра, пенальтилар серияси ғолиби икки очко олади, мағлуб бўлган жамоа эса бир очкога эга бўлади. Шу билан бирга, асосий тизим ўзгармайди: асосий вақтдаги ғалаба учун уч очко, мағлубият учун ноль очко берилади.

Ташаббус Япония лигасининг 100 йиллиги муносабати билан маъқулланган. Таъкидланишича, ушбу янгилик фақат 2026 йилги ўтиш мавсумида амал қилади — тақвим ислоҳоти якунлангач, қоида бекор қилиниши режалаштирилган.

Ўзгаришлар Жей-Лиганинг Европа моделига ўтиши билан боғлиқ. Ёздан кейин чемпионат августда старт олади ва май ёки июнгача давом этади. Трансфер ойнаси ҳам Европа билан уйғунлаштирилади — июлдан сентябргача ва январь ойида.

Янги формат аллақачон "Киото Санга" ва "Виссел Кобе" ўртасидаги учрашувда синовдан ўтказилди. Асосий вақт 1:1 ҳисобида якунланди, шундан сўнг жамоалар пенальтилар сериясига ўтди ва унда "Кобе" футболчилари устун келди.