Йилнинг энг яхши жанги, боксчиси, мураббийи бўлишга даъвогарлар маълум

Сўров якунларига кўра, “Йил боксчиси”, “Йил жанги”, “Йил мураббийи” ва “Йил менежери” номинацияларида 2018 йил лауреатлари аниқланади. 

“Йилнинг энг яхши боксчиси” бўлиш учун биринчи оғир вазн тоифасида мутлоқ жаҳон чемпиони, украиналик Александр Усик, унинг ҳамюрти, енгил вазнда WBA ва WBO йўналишлари чемпиони Василий Ломаченко, енгил вазнда WBC чемпиони Майки Гарсия, ярим оғир вазн тоифасида WBO чемпионлик камари соҳиби Теренс Кроуфорд (2014 йилда “Йил боксчиси” бўлган), биринчи ярим ўрта вазнда WBO чемпиони Морис Хукер даъвогар бўлиб турибди.

“Йил жанги” номинациясида Деонтей - Луис Ортис, Жарретт Херд - Эрисланди Лара (бирлаштирувчи чемпионлик жанги), Василий Ломаченко - Хорхе Линарес, Алекс Соседо - Ленни Заппавинья, Сауль Альварес - Геннадий Головкин (реванш) жангларидан бири ғолиб бўлади. 

“Йил мураббийи” бўлиш учун Анатолий Ломаченко (“Йил мураббий- 2017”), Жей Диз, Роберт Гарсия ва Деррик Жеймслар даъвогарлик қилади.

“Йил менежери” йўналишида литвалик Эгис Климаснинг имкониятлари юқори баҳоланмоқда. Айнан у 2016 ва 2017 йилларда ушбу номинация ғолиб бўлган. Унга бу борада Кит Коннолли, Чепо Рейносо ва Сэм Катковски рақиблик қилади.