26 окт 16:26
Янгиликлар
Шахмат
Ёш шахматчиларимиз ЖЧ саралаш турнирида иштирок этишмоқда
Шу кунларда Латвиянинг Рига шаҳрида 2021-2023 йилги шахмат бўйича Жаҳон чемпионати саралаш босқичининг бир қисми бўлган "Grand Swiss Tournament" турнири бўлиб ўтмоқда.
25 октябрдан бошланган ушбу мусобақа 8 ноябрга қадар давом этади.
Турнир бутун дунё бўйлаб 114 нафар энг кучли шахматчилар ўртасида швейцарча тизимда 11 турда ўтказилади. Мусобақанинг умумий соврин жамғармаси эса 425 000 АҚШ долларидан иборат.
Жаҳон чемпионатига саралаш турнирида Ўзбекистон шарафини 4 нафар гроссмейстер ҳимоя қилмоқда. Булар - Нодирбек Ёқуббоев, Нодирбек Абдусатторов, Жавоҳир Синдаров ва Шамсиддин Воҳидов.
Шунингдек, мусобақада ҳамюртимиз, Ўзбекистон шахмат федерацияси раисининг биринчи ўринбосари Ҳусан Турдалиев ҳакам сифатида иштирок этади.
Ушбу Жаҳон чемпионатига саралаш баҳсларида вакилларимизга омад тилаймиз.
Ҳавола :
Фикрлар