Ёзёвонда белбоғли кураш бўйича Ўзбекистон Кубоги ўтказилди

Спорт вазирлиги ҳамда Белбоғли кураш федерациясининг йиллик-тақвимидаги мазкур Ўзбекистон кубоги мусобақаларида мамлакатимизнинг барча ҳудудларидан 400 нафардан зиёд полвон иштирок этди.

Мусобақада ўсмирлардан Алимуҳаммад Нурмаҳматов (Фарғона), Теъмур Неъматуллаев (Наманган), Асия Турдибекова (Қорақалпоғистон) сингари ёш спортчилар ўз вазн тоифаларида олтин медални қўлга киритишди. 

Катталар ўртасида кечган муросасиз ва қизиқарли курашларда Жумадулла Исроилов (Тошкент в.), Илёсбек Юлдошев (Андижон), Даврон Абдураҳмонов (Фарғона), Зебохон Носирова (Наманган), Насиба Акбарова (Фарғона) каби полвонлар ўз вазн тоифаларида барча рақибларидан устун келиб, ғолибликни тантана қилишди. 

Беллашувлар сўнггида ғолиб ва совриндорлар диплом, медаль ва эсдалик совғалари билан тақдирланишди. 

Илҳом РАҲМОНОВ тайёрлади