30 июн 11:15
Янгиликлар

Теннис

Зверев "Уимблдон"даги иштирокини ғалаба билан бошлади

Жаҳоннинг олтинчи ракеткаси Александр Зверев "Уимблдон" стартида ATP рейтингида 124-ўринни эгаллаб турган нидерландиялик Таллон Грикспорни мағлуб этди.

Германиялик теннисчи 1 соату 29 дақиқа давом этган учрашувда рақибини 6/3, 6/4, 6/1 ҳисобларида мағлуб этиб, иккинчи даврага йўл олди. Бу ҳар икки теннисчининг ўзаро ўтказган биринчи расмий учрашуви эди.

Энди Зверев "Уимблдон"нинг иккинчи даврасида америкалик Теннис Сандгрен билан тўқнаш келади.