19 jan 10:33
Yangiliklar

Tennis

Australian Open. Dunyoning birinchi raketkasi uchinchi bosqichda!

Melburn shahri mezbonligida o'tayotgan Avstraliya Ochiq chempionati sekin-asta o'zining qizg'in pallasiga kirib boryapti.

Dunyoning birinchi raqamli tennis malikasi Eshli Barti o'z vatanida o'tayotgan nufuzli musobaqaning uchinchi bosqich ishtirokchisiga aylandi. U 52 daqiqa davom etgan bahsda WTA reytingida 142-pog'onadan joy olgan italiyalik raqibasi Lyuchiya Broncettiga ikkita geym berdi xolos - 6/1, 6/1.

Uchrashuv davomida 25 yoshli Barti 8 ta, 23 yashar Broncetti esa bitta eys zarbasini ijro etdi. Bu tennischilarning o'zaro ilk uchrashuvi edi. Endi Eshli turnirning uchinchi davrasida yana bir italiyalik tennischi Kamila Jorjiga qarshi kortga chiqadi. Kamila o'z o'rnida chexiyalik Tereza Martincovdan 6/2, 7/6(2) hisobida ustun keldi.