Bugun Bundesliga g'olibi aniq bo'ladi

Quyida so'nggi tur oldidan Bundesligadagi intrigalar xususida so'z yuritamiz.

CHempionlik masalasi

So'nggi tur oldidan turnir jadvalida “Borussiya Dortmund” 70 ochko to'plab birinchi, 68 ochko to'plagan «Bavariya» esa ikkinchi o'rinda bormoqda. Joriy mavsum chempionligi aynan shu ikki jamoadan biriga nasib etadi.

Yakunlovchi turda «Borussiya» Signal Iduna Parkda «Maync»ni mehmon qiladi. To'plar nisbati Myunhen grandida yaxshiroq bo'lganligi bois «asalarilar»ni faqat g'alaba chempionga aylantiradi. Amaldagi chempion esa Dortmundga «motivaciyasiz» kelayotgan «Mayns»ga omad tilaydi. «Mayns» ayni paytda jadvalning qoq o'rtasidan joy olganligi uchun, g'alaba ularga hech nima bermaydi. Katta ehtimol, bugun tunda Dortmund grandi tarixlaridagi 9 chi chempionlikni tantana qiladi. «Bavariya» 34 chi turda jadvalda «Mayns»dan bir pog'ona pastda joylashgan «Kyoln» bilan safarda bellashadi. «Kyoln» ham «Mayns» bilan bir xil holatda, g'alaba yoki mag'lubiyat deyarli farqi yo'q.

Evrokubok yo'llanmalari uchun kurash

Bilasiz, Bundesligadan 4 ta jamoa ECHLda, 1 jamoa Evropa Ligasida va yana bir jamoa Evropa Konferenciyalar Ligasida ishtirok etadi. Hozircha ECHLda yo'l olgan 3 jamoa malum. Bular “Borussiya D”, «Bavariya» va «Leypcig». 4 chi chipta uchun ikki davogar “Union Berlin” va «Frayburg» kurash olib bormoqda. «Union» so'nggi turda 12-o'rinda borayotgan «Verder» bilan, «Frayburg» esa 8 chi pog'onada joylashgan «Ayntraxt» bilan bellashadi. «Ayntraxt»da ham «Verder»dagi kabi o'yinning ahamiyati kam. Jamolarga g'alaba ham mag'lubiyat ham hech nima bermaydi.

Turning intrigaga boy o'yinlaridan biri Bohum shahrida bo'lib o'tadi. Unda divizionda qolish uchun kurashayotgan «Bohum» EKL yo'llanmasini qo'lga kiritish uchun yaqin turgan «Baer» bilan «jang»qiladi. “Folksvagen arena”da «Bundesliga»dan badarg'a bo'lishi aniq bo'lgan «Gerta»ni qabul qiladigan «Volfsburg» ayni paytda jadvalda 7-o'rinda bormoqda va «Bayer» bilan oradagi farq 1 ochkoni tashkil qiladi.

Ligada qolish uchun kurashayotganlar

Oldinroq aytganimizdek «Gerta»ning ligani tark etishi aniq. Kurash 13 chi pog'onada joylashgan «Xoffenxaym»dan to 17 chi o'rinda borayotgan «SHalke»gacha bo'lgan jamoalar o'rtasida kechadi.

So'nggi turda

«SHtutgart» – «Xoffenxaym»

“Borussiya M” – «Augsburg»

«Bohum» – «Bayer»

«Leypsig» – «SHalke»

juftliklariga guvoh bo'lamiz.

Katta ehtimol ligani «Gerta» bilan birga «SHalke» tark etadi, «Bohum» esa o'tish o'yinida ishtirok etsa kerak.

Po'lat Qalandar