29 okt 12:49
Yangiliklar
Boks/MMA
MDH o'yinlarida g'oliblikni qo'lga kiritgan sportchimizdan doping aniqlandi
Joriy yilning sentyabr oyida Rossiya Federaciyasining Qozon shahrida o'tkazilgan I MDH o'yinlarida ishtirok etgan muay-tay sport turi bo'yicha terma jamoa azosi Faxriddin Xasanovdan olingan doping-sinamasida taqiqlangan modda aniqlandi.
I MDH o'yinlarida 57 kg vazn toifasida ishtirok etgan sportchi Faxriddin Xasanov oltin medalga sazovor bo'lgan edi. Joriy yilning 8 sentyabr kuni musobaqa jarayonida topshirgan doping-sinamasidan “meldoniy” taqiqlangan moddasi aniqlangan. “Meldonium” taqiqlangan moddalar ro'yxatining S4. Gormonlar va metabolizm modulyatorlari sinfiga mansub hisoblanadi.
Butunjahon antidoping agentligining (WADA) Xalqaro testlash va tergov-surishtiruv bo'yicha standarti talablariga asosan, F.Xasanov joriy yilning 8 oktyabridan boshlab mazkur holat Rossiya antidoping agentligi (RUSADA) tomonidan to'liq o'rganilishi va tegishli qaror chiqazilgunga qadar sport faoliyatidan vaqtincha chetlashtiriladi.
Havola :
Manba : UzNADA
Fikrlar