Medvedev grunt kortida qo'lga kiritgan ilk titulidan so'ng: "Gruntdagi "Masters"ni yutishimga ishonmagan edim"

Rimdagi "Masters" finalida u Xolger Rune ustidan g'alaba qozongan edi — 7/5, 7/5.

"Men har doim o'zimga ishonishni, borimni berishni va eng katta titullarni qo'lga kiritishni xohlayman. Lekin, rostini aytsam, gruntdagi "Masters"da g'alaba qozonishimga ishonmagandim. Men bu turdagi kortni yomon ko'rardim, unda hech narsa qila olmasdim.

Ammo Madrid va Monte-Karloda o'zimni yaxshi his qildim. U erdagi turnirlarda shunchaki raqiblar yaxshiroq o'ynagani uchun yutqazgandim.

Keyin mashg'ulotlarda ham o'zimni ajoyib his qildim. Hatto murabbiyga: "Nima bo'layotganini tushunmayapman", -  deb aytdim. Lekin bundan keyin baribir eng kuchli raqiblarni mag'lub etishim kerak edi va men o'zimga va barchaga buni uddalay olishimni isbotlaganimdan xursandman", - deya g'alabadan keyingi fikrlari bilan o'rtoqlashadi Daniil.