Mezbonlarga atalgan Boku “Katta Dubulg'a” turnirida O'zbekiston kuchli beshlikdan joy oldi

Dunyoning 61 davlati ishtirok etgan nufuzli musobaqada O'zbekiston terma jamoasi 1 ta oltin, 1 ta kumush, 2 ta bronza medali bilan umumjamoa hisobida 5-o'rinni egalladi. 14 ta vaznda jami 11 davlat dzyudochilarining chempion bo'lgani dzyudo geografiyasi kengayib borayotganini ko'rsatmoqda. 

Boku "Katta Dubulg'a" turniri mezbonlarga ataldi. Ozarbayjon terma jamoasi 4 ta oltin, 2 ta bronza medali bilan umumjamoa hisobida birinchi bo'lishdi. 

Kuchli uchlikdan biz kabi 1 nafardan chempioni bo'lgan Niderlandiya va Serbiya terma jamoalari joy olishdi. Faqat bu jamoalar bizdan kumush medallar soni bo'yicha ustunlik qilishdi. 27 davlat delegaciyalari o'z vatanlariga kamida 1 ta bronza medali bilan qaytishdi.