29 mar 10:32
Yangiliklar

Tennis

Naomi Osaka Miami Open 1/4 finalida

Dunyoning 77-raketkasi Naomi Osaka Mayami "Masters" turnirining chorak final ishtirokchisiga aylandi.

Yaponiyalik tennis malikasi to'rtinchi davra uchrashuvida WTA reytingida roppa-rosa 50-o'rinni egallab turgan amerikalik Elison Riskedan ustun keldi - 6/3, 6/4.

Bir soatu 32 daqiqa davom etgan bahsda Naomi 7 ta, Elison esa 8 ta eys zarbani amalga oshirdi. 24 yoshli Osaka o'zaro uchrashuvlarda hisobda oldinga chiqib oldi - 2:1. Endi u 1/4 finalda yana bir AQSH vakilasi Daniel Kollinzga qarshi kortga chiqadi.