Antidoping agentligi Lazizbek Mullojonovning vaziyati bo'yicha malumot berdi

O'zbekiston Milliy Antidoping agentligi vaziyatga munosabat bildirdi.

"Parij-2024 Olimpiya o'yinlari g'olibi Lazizbek Mullojonovdan joriy yil 11 iyundagi olingan doping sinamada Butunjahon antidoping agentligi (WADA)ning “Sportda taqiqlangan moddalar va usullar ro'yxati”da S1.1 anabolik agentlar guruhiga kiritilgan “Metasteron” (Methasterone) taqiqlangan moddasi aniqlangan.

Hozirgi kunda ushbu holat yuzasidan Xalqaro Testlash agentligi (ITA) tomonidan o'rganish ishlari olib borilmoqda. O'rganishlar, xususan, sportchi tomonidan mazkur taqiqlangan moddani terapevtik istisnolar xalqaro standartining 4.1 moddasiga muvofiq terapevtik maqsadlarda ishlatilganligi bo'yicha ham surishtiruvlar olib borilishini o'z ichiga oladi. Mazkur holatda, agar taqiqlangan modda istisno tarzida terapevtik maqsadlarda qo'llanilgan deb topilsa, sportchiga diskvalifikaciya jazo chorasi qo'llanilmasligi mumkin. SHunga muvofiq, surishtiruv va tahlil jarayonlari oxiriga etgachgina yakuniy qaror elon qilinadi.

Ommaviy axborot vositalari va jamoatchilik vakillaridan yakuniy xulosaga ega bo'lmagan malumotlarni tarqatmaslikni va O'zbekiston Respublikasi Milliy antidoping agentligi tomonidan rasmiy malumot elon qilinmasidan oldin asossiz xabarlarni tarqatmasliklarini so'raymiz. SHuni alohida takidlab o'tish joizki, mazkur qoidabuzarlik L.Mullojonovning undan doping sinama olingan kun, yani joriy yilning 11 iyun kuniga qadar ko'rsatgan natijalari, jumladan, Parij-2024 Olimpiya o'yinlaridagi oltin medaliga tasir o'tkazmaydi", deyiladi tashkilot xabarida.